أحلى النكـــــــــت

اولا نشوف الفرق بين الستات والرجالة
الستات
في يوم واحدة ماروحتش بيتها تاني يوم جوزها بسألها كنتي فين قالتلوا كنت نايمه عند واحدة صاحبتي
جوزها اتصل باقرب عشر صحبات ليها علشان يتأكد من كلامها كلهم انكروا انها كانت عندهم
نشوف الرجالة بقي
في يوم الزوج مارجعش البيت تاني يوم مراته بتسأله قالها كنت نايم عند واحد صاحبي
اتصلت باقرب عشر اصحاب ليه علشان تتأكد 8 منهم اكدوا انه كان بايت عندهم و2 قعدوا يحلفوا انه لسه موجود عندهم لحد دلوقتي ههههههههههه

في واحد متجوز وعنده دولاب قافله من 20 سنة ومراته نفسها تعرف ايه اللي جوه الدولاب وفي يوم راح الشغل ونسي المفتاح مراته فتحت الدولاب لقت 20 الف جنيه و3 بيضات لما رجع من الشغل سألته ايه ده قالها الصراحة كنت كل ما اخونك احط بيضة في الدولاب قالتلوا 20 سنة جواز و3 مرات بس مش مهم ماشي ايه بقي حكاية ال20 الف جنية قالها كنت كل ما اجمع كرتونة ابيعها

واحدة ست عجوزة راحت تخطب لابنها ودخلت تسلم علي ام العروسة قالتلها احنا جايين نخطب الامورة للواد ده
ام العروسة سألتها المهم مايكونش بيدخن قالت لا الحمد لله مابيدخنش الا لما يسكر

اتنين ستات عواجيز قاعدين بيتفرجوا علي المصارعة واحدة قامت طفت التلفزيون التانية قالتلها طفتيه ليه قالت لو ماكنتش طفيته كانوا موتوا بعض

واحدة ست عجوزة دخل عليها حرامي وسرق التلفزيون طلعت تجري وراه علشان تديله الريموت

في شباب سكرانين خطفوا بنت صغيرة وواحدة عجوزة البنت قعدت تصرخ نزلووووووووووونا
العجوزة قالت كل واحد يتكلم عن نفسه

طيب ليه الستات اذكي من الرجالة
علشان الرجالة لو عشرة اجتمعوا في مكان واحد بيتكلم والباقي بيسمع
اما الستات لو عشرة اجتمعوا في مكان كله بيتكلم وكل واحدة بتسمع وكل واحدة بتفهم سبحان الله هههههههه

في واحدة قاهرية جابت لصديقها الصعيدي بغبغان في عيد ميلاده وبعد اسبوع بتكلموا في التليفون بتقولوا ايه الاخبار قالها عادي مفيش فرق طعمه زي الفراخ هههههههه

في واحدة بتحب المقالب والخدع وكانت بتعمل شاي لابوها قالها ايه اخر اخبار المقالب قالتلوا نص الكباية كلور هههههههه

في اتنين اصحاب راحوا يتفرجوا علي عرض ازياء وكل ماتعدي واحدة حلوة واحد يقول اتفوووو صاحبه قاله مالك مش عاجبينك ولا ايه قالوا لا انا بقول اتفوووووو علي اللي مرمية في البيت

في واحدة عجوزة قوي بتشرب سجاير وهي بتكح لسانها وقع هههههه

في بنت راحت للمكتبة علشان تشتري كروت عيد الحب فقالت للراجل صاحب المكتبة عندك كروت مكتوب عليها
الي حبي الوحيد قالها ايوة قالتله هات 18 كارت

واحد صعيدي طلق مراته قالها زعلتي

واحد مخنوق وقع في حفرة قال احسن

مرة واحد بيعاكس واحدة وماشي وراها وهي مستعجلة بيقولها هي القمر وراها مشوار قالتله لا وراها حمار

في واحدة حامل ابنها الصغير سألها قالها ايه ده قالتله اخوك يا حبيبي تاني يوم في المدرسة المدرس بيسأله عندك اخوات قالوا ايوة بس ماما كلته

في عجوزة بتدرس في مدرسة محو الامية

كتب الاستاذ ع السبورة رقم 11

قامت ميتة من العياط قالها مالك ياحاجة قالتلو اصلي افتكرت رجلين المرحوم

في واحدة عجوزة منقبة بتدرس في محو الامية بردو والاستاذ بيكتب ع السبورة دخل محمد
خرج محمد
وهما يقولوا وراه كل مايقولوا دخل محمد تلبس النقاب خرج محمد تقلع النقاب
وعلي كده لحد ما اليوم خلص راحت البيت الحاج بيقولها ها اخدتوا ايه النهاردة
قالتلوا ولا حاجة ياخويا الواد اللي اسمه محمد ده داخل خارج طول الحصة مفهمناش حاجة

كلهم حلوين ما عدا الاخيرة وحشه لانها مش كويسه يا عصام

حلوين ماعدا الاخيرة